Avokati Spartak Ngjela ka reaguar pas “JO”-së që Këshilli Evropian, dha për hapjen e negociatave për Shqipërinë dhe Maqedoninë e Veriut.
Përmes një postimi në Facebook, Ngjela akuzon kryeministrin Rama se ai nuk e ka dashur hapjen e negociatave dhe se ka pasur frikë nga 10 pikat e kërkuara. Sipas Ngjelës, Rama duhet të japë dorëheqjen, teksa shton se ai është inspiruesi i politikës franceze për votën kundër çeljes së negociatave.
“Pse shkoi Rama në Serbi dhe kërkoi shengen me Serbinë dhe me Rusinë kundër Kosovës? Këtë kërkon dhe Franca me Rusinë. Kjo në fakt është një politikë e vjetër antishqiptare brenda së cilës dyshoj se është edhe Rama. Që të tregojë se nuk ka bërë një lojë të tillë antikombëtare, Rama duhet të japë dorëheqjen”, shkruan Ngjela.
Postimi i plotë:
Kurrë mos mendoni se Rama ka qenë ndonjëherë për hapjen e negociatave me Bashkimin Evropian. Ai ka pasur dhe ka shumë frikë nga 10 pikat e Merkelit, të cilat janë shpëtimi i Shqipërisë dhe likuidimi i korrupsionit të lartë shtetëror në Shqipëri.
Rama duhet të japë dorëheqjen, nuk ka rrugë tjetër. Është krejt i paaftë, dhe kuptohet se është inspiruesi i politikës franceze për votën kundër çeljes së negociatave. Pse?
Sepse ka bllokuar SPAK-un me lloj-lloj mënyrash. Nuk ka asnjë rezultat në luftën kundër korrupsionit të lartë shtetëror. Shqipëria është vendi më i korruptuar i Evropës.
Pse shkoi Rama në Serbi dhe kërkoi shengen me Serbinë dhe me Rusinë kundër Kosovës? Këtë kërkon dhe Franca me Rusinë. Kjo në fakt është një politikë e vjetër antishqiptare brenda së cilës dyshoj se është edhe Rama.
Që të tregojë se nuk ka bërë një lojë të tillë antikombëtare, Rama duhet të japë dorëheqjen.
Zaevi, kryeministri i Maqedonisë së Veriut, po pritet të japë dorëheqjen. Ai, sigurisht që është më dinjitoz se Rama…
