Policia e Shkodrës ka zbardhur plagosjen e dy vëllezërve, ku shkak dyshohet se ka qenë një konflikt për çështje pronësie. Fillimisht ka pasur përplasje fizike, ku si pasojë ka mbetur i dëmtuar me sende të forta një 34-vjeçar.
Policia, në njoftimin paraprak thotë se gjatë një konflikti fizik për motive pronësie, është dëmtuar me sende të forta shtetasi me inicialet L.G., 34 vjeç.
Konflikti është përshkallëzuar më tej, ku shtetasi me inicialet Xh.F, ka plagosur me pistoletë shtetasin I.G., 41 vjeç, vëllain e 34 vjeçarit, të cilët janë transportuar në spital jashtë rrezikut për jetën. Nga ana e policisë, vijon puna për kapjen e autorit.
Njoftimi policisë
Më datë 08.09.2021, rreth orës 09:15 në Fshatin e Ri, Njësia Administrative Rrethinat, Shkodër, gjatë një konflikti fizik për motive pronësie, është dëmtuar me sende të forta shtetasi L.G., 34 vjeç.
Konflikti është përshkallëzuar më tej ku shtetasi Xh.F, ka plagosur me armë zjarri pistoletë shtetasin I.G., 41 vjeç, vëllain e 34 vjeçarit, të cilët janë transportuar në spital jashtë rrezikut për jetën.
Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.
Grupi hetimor nën drejtimin e Prokurorisë ndodhet në vendngjarje dhe vijon puna për sqarimin e rrethanave dhe zbardhjen e ngjarjes.
