Teksa kërcënoi sot Ambasadën Amerikane, lidhur me ngërçin e krijuar në Gjykatën Kushtetuese, presidenti Meta nuk ndalet me takimet e tij të njëpasnjëshme për zgjidhjen e krizës politike. Ilir Meta ka pritur në zyrën e tij ish-presidentin Bamir Topi, për të diskutuar për krizën e thellë ku ndodhet vendi.
Presidenti Meta ka zhvilluar ditët e fundit një seri takimesh me opozitën, dhe ish-funksionarë të lartë të shtetit, me qëllim dhënien fund të krizës politike në të cilën ndodhet vendi prej afro një viti.
Këtë të premte, pas Mejdanit dhe Berishës, Meta priti në zyrën e tij ish-presidentin Bujar Nishani, lidhur me ngërçin e Krijuar në Gjykatën Kushtetuese.
Kreu i Shtetit do të vijojë edhe gjatë ditëve të ardhshme, të takojë zyrtarë për çështjen e Kushtetueses.
