E shtunë, 24 Korrik, 2021
20.5 C
Tirana

“Keni mbështetjen tonë”, Zoran Zaev përshëndet në gjuhën shqipe

Ish-kryeministri i Maqedonisë së Veriut, Zoran Zaev, ka përshëndetur sot Kongresin e PS. Ka qenë sekretari i pergjithshëm i PS, Taulant Balla, i cili ka shpërndarë një video në Facebook. Zaev shpreh mbështetjen për Shqipërinë, dhe këtë e tha në gjuhën shqipe.

“Të dashur socialistë, i dashur shoku Edi. Ne ndajmë të njëjtat ideologji, punojmë për synime të njëjta. Jemi dy vende të ndryshme, por shumë të ngjashme në rrugën nëpër të cilën kemi zgjedhur të ecim në zotimet tona. Të ndërtojmë shtete të forta e të zhvilluara, partnerë në botën demokratike. Prioriteti ynë kryesor është të kujdesemi për qytetarët dhe një jetë më të mirë për ta, por gjithashtu t’i bëjmë dy vendet tona pjesë të familjes së madhe evropiane.

Megjithatë po ecim me guxim dhe vendosshmëri drejt integrimit. Kjo është arsyeja pse në mbështetemi dhe e dimë se nuk jemi vetëm në këtë qëllim! Jam i bindur se së shpejti Shqipëria dhe Maqedonia e Veriut, do të festojnë për lajmin e mirë që do të vijë nga Samiti i Zagrebit, dhe më pas do të vazhdojmë të punojmë me më shumë përkushtim për qytetarët tanë.

Ju uroj një Kongres të suksesshëm dhe besoj se do kemi bashkëpunim edhe më intensiv, mes dy partive dhe dy shteteve fqinje. E keni mbështetjen tonë”, deklaron Zaev në videon e transmetuar në Kongresin e PS.

Kreu i qeverisë, Edi Rama, iu është drejtuar socialistëve duke u thënë se kush nuk ka forcë dhe energji për të vazhduar përpara dhe për të bërë një punë edhe më të mirë, të hapë krahun.

“Kush ndjen se nuk ka energji për ta vazhduar më parë, të hapë krahun dhe do hapë krahun…”.

Lexo edhe :   Negociatat/ Zaev: Shqipëria të ndahet nga Maqedonia e Veriut

Rama u shpreh se PS do të vazhdojë punën për rrugëtimin në BE, pavarësisht kohës së kur do të çelen negociatat, duke bërë edhe ironi e duke i krahasuar “me krushq që nuk paraqiten ditën e dasmës”.

“Ne nuk presim më as mars, as dhjetor… po të duan t’i hapin po të duan mos t’i hapin, kur të kenë nge do t’i hapin dhe faleminderit që do na i hapni. Sepse mjaft duke përgatitur dasma kur krushqit nuk paraqiten ditën e dasmës”.

Lexo edhe :   Negociatat/ Zaev: Shqipëria të ndahet nga Maqedonia e Veriut

Kongresi i Partisë Socialiste këtë të shtunë ka miratuar ndryshimet në statutin e partisë. Në këtë miratim nuk është marrë parasysh mocioni i 8 anëtarëve të Partisë Socialiste.

Kryeministri Rama ka publikuar pak më parë një video të shfaqur përpara delegatëve të Kongresit të Partisë Socialiste, me momentet më kryesore të drejtuesve dhe zërave më influencues brenda saj.

- Reklama -

Më shumë nga kategoria




Të fundit

SHBA do të kërkojë nga Kina t’u përmbahet “rregullave të lojës”

Zëvendës Sekretarja amerikane e Shtetit Wendy Sherman pritet t'i bëjë të qartë Kinës në bisedimet e ardhshme, se Uashingtoni e mirëpret konkurrencën me Pekinin,...

Protesta masive në Australi, qytetarët kundër karantinës

Mijëra qytetarë australianë protestuan këtë të shtunë në disa qytete kryesore të vendit kundër karantinës totale që është vendosur në shumë zona për shkak...

Ligjvënësit amerikanë kërkojnë që Olimpiada më 2022 të mos mbahet në Pekin

Një grup i ligjvënësve amerikanë, i ka bërë thirrje Komitetit Ndërkombëtar Olimpik, që të shtyjë Lojërat Olimpike Dimërore të vitit 2022 dhe të ndërrojë...

Skandali Pegasus: Shtete që përdorën programin përgjues

Aktivistë, gazetarë dhe politikanë në të gjithë botën janë përgjuar përmes telefonit, duke ngritur shqetësimet për mosrespektimin e privatësisë dhe abuzimin me të drejtat...

Merkato/ Nedved zbulon vendimin për të ardhmen e Ronaldos

Zëvendës Presidenti i Juventusit, Pavel Nedved, ka treguar se çfarë do të ndodhë me të ardhmen e Kristiano Ronaldos, në skuadrën bardhezi. Pas fitores së...