Këngëtari Greg Page, i cili është pjesë e grupit muzikor “The Wiggles” ka pësuar një atak kardiak gjatë kohës kur po jepte një shfaqje në Sidnei të Australisë.
Mediat e huaja shkruajnë se 48-vjeçari u shtri në skenë pas 1 ore koncert duke shokuar të gjithë fansat e pranishëm.
Në lidhje me këtë ngjarje reaguan edhe pjesëtarët e tjerë të grupit. Përmes një postimi në Twitter, “The Wiggles” thanë se Page ishte dërguar për kurim në spital dhe se ishtë nën kujdesin e mjekëve. Më vonë në rrjetet sociale u publikua një foto e këngëtarit, i cili shfaqej i buzëqeshur në shtratin e spitalit.
https://twitter.com/TheWiggles/status/1218204319125655552
“Ne kemi vizituar Greg këtë mëngjes dhe ai deshi t’i falënderojë të gjithë për urimet të mira. Greg dhe familja e tij janë kaq mirënjohës për të gjitha mesazhet e dashurisë dhe mbështetjes nga tifozët në të gjithë botën. Shqetësimi kryesor i Gregut ishte që shfaqja sonte të vazhdojë. Le ta ngremë siparin edhe sonte dhe ta bëjmë atë për Greg, i cili po mblidhte fonde për Kryqin e Kuq Australian pas zjarreve që lanë dëme të pakonsiderueshme në këtë shtet”, thuhet në postimin e grupit.
Grupi muzikor Wiggles u krijua në vitin 1991 dhe Page është anëtar dhe ideator i këtij grupi. Ai e la grupin në vitin 2006 për arsye shëndetësore për t’u kthyer sërish në 2012 dhe për t’u larguar prapë.
