Këngëtarja Ronela Hajati është përfshirë në një debat me gazetarin Arian Çani, i cili herë pas here, përpiqet të sulmojë figura publike nga studio e emisionit të tij.
Ajo ka zgjedhur të injorojë komentet e tij. “Boll me këto broçkulla”, shprehet ajo për Çanin, pa sqaruar asgjë më tej.
Një nga këngët e Ronelës që ka pasur një impakt të mirë tek publiku ka qenë kënga “Vuj”, ku brenda pak ditësh është kthyer në një hit mjaft të dëgjuar.
Siç duket, kënga në fjalë nuk është pëlqyer aspak nga moderatori i njohur Arian Çani, i cili gjatë emisionit të tij “Zonë e Lirë”, ka thumbuar publikisht këngëtaren: “Hiqe fare këtë Cherr se s’na intereson, kjo këngëtare është kot fare bo, bo, bo. As nuk e përmend fare cila është, më krijon një kështu ajo mua, nuk e dua jo. Hyn në atë kategorinë e këngëtareve që nuk i ashtu dot fare, më krijon një gjë negative shumë”.
