Pas konfirmimit të rasteve të para me koronavirus në Shqipëri, kryeministri Edi Rama i ka bërë apel qytetarëve që të ruajnë qetësinë.
Gjatë fjalës së tij në mbledhjen e jashtëzakonshme të qeverisë, Rama tha se OBSH është kundër mbylljes së kufijve. Sipas tij, qeveria e ka tashmë një plan veprimi të krijuar nga task forca.
Kreu i qeverisë bën me dije se qeveria ka vënë në dispozicion një fond prej 400 mln lekësh, për të plotësuar disa nevoja të fazave të planit.
“Kemi përgatitur edhe hyrjen në skenarin e parë, që ishte parapërgatit nga ekspertët. Receta e më e gabuar ajo që buron nga paniku, ilaçi më efektiv arsyeja dhe qetësia. Duhet të informoheni nga burimet zyrtare dhe të zbatohen rreptësisht masat për higjienën vetiake.
Komunikimi me urgjencën kombëtare kur dyshoni për simptomat.
Sot që flasim kërkohet një përshkallëzim të parë masash sipas OBSH. Gjatë kësaj kohe ka pasur shenja shqetësuese të motivuara nga paniku, përmes burimesh të pacertifikuara për informim, ku e përsëris se zëri që duhet ndejkur është ai i autoriteteve.
Në të gjitha ato vende ku ka pasur qetësi dhe vetëpëmbajtje edhe fenomeni i këtij virusi është bërë me sukses. OBSH nuk rekomandon mbylljen e kufijve, e them këtë sepse është kritikuar mos bërja e kësaj gjëje.
Siç tregojnë eksperiencat e vendeve mbyllja e kufijve është masë drastike dhe nuk përdoret gjerësisht.
Planin e veprimit e kemi në tryezë, dhe sot futemi në skenarin e parë. Task forca ka punuar në mënyrë të pandërprerë dhe vazhdon punën për planin e masave në 3 drejtime:
Kufizimi, me qëllim parandalimin e përhapjes
Shtyrja në kohë e përhapjes
dhe lëhtësimi i pasojave që mund të sjellë infektimi.
Jemi në konsultim me OBSH dhe në këtë situatë, thelbësore është vetëpërmbajtja dhe qetësia si dhe zbatimi i orientimeve përkatëse.
Kemi vendos në dispozicion edhe financat përkatëse edhe një fond tjetër prej 400 mln lekësh, për të plotësuar disa nevoja të kësaj faze.
Me shumë rëndësi që kemi gjet mirëkuptimin e personelit mjekësor, është gati për këtë përballje e mirë informuar dhe e angazhuara”, tha ai.
