Këngëtarja Miriam Cani ka zbuluar diçka nga jeta e saj e përditshme, në emisionin e pasdites ‘Rudina’.
Ajo foli ndër të tjera edhe për marrëdhënien që ka me bashkëshortin e saj Alban Skënderajn, dhe arsyen pse ata mund të zihen më shumë.
Si çdo çift, shkaku kryesor janë fëmijët. Këngëtarja tregoi se Albani është me idenë që fëmijës t’i japësh të hajë kur kërkon, por vetë Miriami ka rregulla të tjera.
“Natyrisht që po dhe zihemi më shumë për fëmijët. Fëmijët janë tema numër një si për çdo çift.
Kemi ato kontradiktat tona, por gjithmonë për mirë. Natyrisht edhe në momentin kur bëhesh prind, dhe nga pasiguria krijohen më pas ato debatet për fëmijë. Jo pse e bëre kështu, jo pse e more kështu, jo pse e ushqen Amelinë gjithë kohës edhe kur nuk do të hajë. Baballarët janë të idesë që nëse do të hajë, do kërkojë. Por që ndodh që edhe nuk kërkon dhe çfarë të bësh më pas si nënë?”, tha ajo.
