Tregu i këmbimit valutor vendas është hapur ditën e hënë me një forcim të paundit britanik. Nga të dhënat e siguruara nga “Credins Bank”, valuta ka zhvlerësuar ndjeshëm lekun me plot 0.8 pikë dhe këmbehet sot në pikat e këmbimit valutor për 145.6 lekë në blerje dhe 146.3 lekë në shitje.
Ndërsa, java nuk ka nisur mirë për valutën amerikane e cila ka humbur 0.5 pikë kundrejt monedhës kombëtare, duke zbritur në kuotën e 109.8 lekëve.
Nga ana tjetër, euro nuk ka regjistruar luhatje gjatë ditës së sotme dhe vijon të mbetet në të njëjtat nivele të një jave më parë, e fiksuar në kuotën e 124.5 lekëve.
Sa i takon valutave të tjera ndërkombëtare, dollari australian ka rifituar 0.4 pikë kundrejt lekut dhe këmbehet për 78 lekë në blerje dhe 79 lekë në shitje. Të njëjtin trend rritës ka ndjekur edhe franga zvicerane, e cila ka zhvlerësuar monedhën vendase me 0.3 njësi për lekë, për t’u ngjitur në nivelin e 109.5 lekëve.
Ndërsa, është ulur minimalisht me 0.1 pikë dollari kanadez, i cili këmbehet të hënën për 82.3 lekë./SCAN
