Kryetari i PD-së Lulzim Basha përmes një postimi në rrjetin social Twitter i ka bërë thirrje Këshillit Evropian që të miratojë në parim hapjen e negociatave për Shqipërinë.
Basha njofton se PD dhe Opozita e Bashkuar do të punojë që të bëhet realitet hapja e negociatave.
“Megjithë shtimin e kushteve deri në hapjen e tyre, ne mbështesim këtë proces jetik për shqiptarët. PD dhe Opozita e Bashkuar do të të punojë që ta bëjmë realitet hapjen e negociatave përmes zbatimit të 9 kushteve të @Bundestag dhe kushteve të reja shtesë të vendeve të tjera.
Në këto ditë të vështira për Shqipërinë & mbarë botën, nevoja për shpresë është edhe më e madhe. Mirënjohje @EPPGroup për mbështetjen.
Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë”, shkruan Basha.
