Qeveria greke po përforcon masat për kontrollimin e situatës nga koronavirusi, edhe pse vendi duket se po shënon përmirësime të dukshme.
Zv/ministri për Menaxhimin e Krizave, Nikos Hardalias, njoftoi se në masat shtrënguese parashikohet edhe kufizimi i lëvizjes me Shqipërinë.
Sipas CNN-it grek, Hardalias vuri alarmin duke njoftuar mes masave të reja edhe ato që lidhen me kufirin shqiptar. Kështu, nuk do të ketë asnjë hyrje në Greqi nga Kakavija, nga ora 07:00 e mëngjesit të së mërkurës 5 gusht dhe çdo ditë jave nga ora 11:00 e mbrëmjes deri në 07:00 të mëngjesit.
Duke nisur nga e diela, çdokush që hyn në Greqi nga Shqipëria do të duhet t’i nënshtrohet karantinimit për shtatë ditë.
