Kryeministri Rama ka thënë se vendi nuk është në krizë politike, por është krizë e një pjese që kanë probleme të brendshme me drejtësinë.
“Kjo nuk është krizë politike, por është krizë e një pjese politike që është marrë peng që një vit, pasi kanë probleme të brendshme me drejtësinë”, tha ai në një intervistë në emisionin “Përballë”, në RTSH.
Ai ka treguar se vendet e BE-së kanë kërkuar nga Shqipëria që të dëshmojë se ligji është i barabartë për të gjithë. “Që sistemi i drejtësisë që funksionon i barabartë për të gjithë, që funksionon si sistem që ndëshkon të gjithë, që nga më i madhi tek më i vogli. Kjo është kërkesa e BE-së”, tha ai.
