Edhe pse Shqipëria nuk është pjesëmarrëse në kampionatin europian të EURO 2020, 9 lojtarë me origjinë shqiptare do të luajnë në këtë kompeticion të rëndësishëm.
Tre prej tyre, Granit Xhaka, Xherdan Shaqiri dhe Admir Mehmedi do të përfaqësojnë kombëtaren e Zvicrës. Ndërkohë, 6 futbollistët e tjerë do të luajnë për kombëtaret e Maqedonisë të Veriut, e cila merr pjesë për herë të parë në një eveniment të tillë.
Visar Musliu, Egzon Bejtullai, Ezgjan Alioski, Arijan Ademi, Enis Bardhi dhe Ferhan Hasani, janë shqiptarët që do të luajnë me kombëtaren maqedonase.
Ferhan Hasani është pjesë e Partizanit në Kategorinë Superiore, duke përfaqësuar në një farë mënyre edhe kampionatin shqiptar të futbollit në këtë kompeticion madhështor.
