“Kafsha është ai në timon”, çfarë e nervozoi Saimir Tahirin

Sot në rrjet qarkulluan fotot e një qeni të keqtrajtuar nga i zoti. I prekur nga ky gjest, edhe ish-ministri i Brendshëm, Saimir Tahiri, si rrallë ndonjëherë u nxitua ti shpërndante në Facebook-un e tij, duke shprehur indinjatën.

“E trishtë dhe neveritëse! Kafsha është ai në timon, ata që heshtin dhe ata qe kanë për detyrë të reagojnë e nuk e kanë bërë!”, shkruan Tahiri.

E trishte dhe neveritese! Kafsha eshte ai ne timon, ata qe heshtin dhe ata qe kane per detyre te reagojne e nuk e kane bere!

Publiée par Saimir Tahiri sur Mardi 15 septembre 2020

Kjo nuk është hera e parë që kafshët keqtrajtohen në Shqipëri. Disa orë pas publikimit, policia reagoi dhe bëri arrestimin e shoferit të mjetit tip Renault.

Pas zemëratës në rrjetet sociale, policia është vënë në lëvizje dhe ka zbuluar se shoferi që tërhiqte zvarrë me makinë qenin është nga Sukthi i Durrësit.

Specialistët për Hetimin e Krimeve në Komisariatin e Policisë Durrës, menjëherë identifikuan dhe shoqëruan në ambientet e policisë, bashkë me mjetin e tij tip Renault, shtetasin F. P., 50 vjeç, banues në Sukth, Durrës.