Ministrja e Shëndetësisë Ogerta Manastirliu, ka ndarë me ndjekësit një tjetër video ndërgjegjësuese, lidhur me zbatueshmërinë e masave ndaj koronavirusit vdekjeprurës. Në mesashin sensibilizues, ajo ka shpërndarë kërkesën e prof. Astrit Bimbashit nga Materniteti ‘Koço Gliozheni’, ku kërkon ndërgjegjësim nga popullata.
Në shenjë këmbane alarmi, ai thotë se jeta e secilit prej nesh është në rrezik, ndërsa kërkon që zbatohen rregullat e higjienës, distancimi fizik e të mos shmanget vendosja e maskës. Gjatë 24 orëve të fundit janë kryer 459 testime për të dyshuar të prekur me COVID-19, nga të cilat janë konfirmuar 71 raste pozitive.
“Shoh grumbullime nëpër klube, restorante, nëpër pazare, grumbullime jashtëzakonisht të mëdha dhe shumë afër njëri-tjetrit! Dua t’ju them qytetarëve që kështu rrezikojnë në radhë të parë prindërit, fëmijët dhe veten e tyre” – Ju lutem dëgjoni mesazhin e prof. Astrit Bimbashit nga Materniteti ‘Koço Gliozheni’.
↔️Respektoni distancën 1.5 metër
?Vendosni maskë në çdo ambient të mbyllur dhe kudo ku nuk e ruani dot distancën fizike
?Mbani higjienën personale dhe kolektive
#RuaniShëndetin
Bashkë kundër ?COVID-19″.
