Kryeministri Edi Rama ka folur në “Opinion” për fotografinë me Ardian Çapjen, të realizuar në një hotel në pronësi të kësaj familje në Elbasan. Rama zbuloi se fotografia në fjalë është realizuar në një hotel, pasi aty ka një sallë konferencash ku ai ka marrë pjesë në një aktivitet.
“Do flasim për gjëra serioze. S’jemi për estradë. Ky është i një hoteli. Më kanë ardhur këta persona dhe a mund ta bëjmë këtë fotografi?! Kam edhe një tjetër të bërë shumë vite më parë, sepse në ato herë që kam qenë, kam qenë për evente. Nuk i mbaj mënd konferencat. Çfarë tregon kjo?”, tha Rama.
Klodiana Lala: Ju keni gjithë strukturat ndihmëse.
Rama: Nuk isha i informuar. Nuk bëhet miting në hotel zonjë.
Klodiana Lala: Ky zotëria këtu, i keni çuar një formular. Mos më intimido, keni dërguar atë vajzën simpatike. Më lër të rendis faktet, por faktet nuk i intimidon dot, ky zotëria duhet të ishte prapa hekurave. Duhet të zbardheshin atentatet. Po e trajtoni këtë historinë e OFL se çfarë po bëhet.
Rama: Ju jeni tap-topi. Unë do të jap përgjigje kur ti ta mbyllësh gojën. OFL e çon ligji dhe ka një ligj që përcakton subjektet e tij. Përsa i përket fotografisë, nuk kam asnjë pishman. E bëj edhe 100 herë të tjera, por nuk ka asnjë lidhje. Kaq! Unë shkoj, futem kudo. Kam parë aq shumë banjo në Shqipëri, sa nuk e ke idenë dhe nuk pyes fare. Unë takoj këdo, kudo dhe si dua unë.
TIRANA TODAY
