Nga: Mentor Kikia
Ky burrë është një fermer në Korçë, i cili në janar i preu mollët që kishte mbjellë, sepse nuk e shiste dot prodhimin. Dy djemtë i kane ikur, në pamundësi per të jetuar me te ardhurat e tokës, duke e lëne vetëm.
Çdo vit, mediat shfaqin skena që tregojnë sesi përfundojnë nëpër kanale e lumenj mollë, patate, qepë, domate e shalqinj.
Pasoja: Krizë ekonomike dhe braktisje masive e fshatrave dhe vendit nga rinia.
Në programet e partive dëgjojmë vetëm premtime për subvencione apo rimbursime për hekura e plastmas serash.
Qeveria i nxit të bashkohen në kooperativa që ti eksportojnë prodhimet. Vetëm kaq ama. Vetem i keshillon!
Po përse nuk ndodh kjo? Nga se vuan sot bujqësia jonë?
Shërbimi veterinar e agronomik është mizerabël.
Mungesë totale kontrolli për cilësinë e pesticideve.
Mungesë tolate kontrolli për importin e fidanëve dhe farërave.
Mungesë totale kontrolli për plehrat kimike.
Asnjë lloj kërkimi shkencor në fushën e bujqësisë dhe blegtorisë.
Mungesë totale konsulence për organizimin dhe tregjet.
Shteti është dorëhequr tërësisht nga ky mision.
Pasojat:
Një bujqësi ende primitive. Produkte jo cilësore për shkak të mungesës së shërbimeve cilësore dhe konsulencës shkencore. Fuqi konkuruese zero, duke qenë dekada larg edhe nga vendet fqinje.
Politikanët, kur janë në opozitë, shkojnë nëpër fshatra, u puthin duart fshatarëve dhe akuzojnë qeverinë. Por kur vijnë në qeveri, i harrojnë.
Tani, ju në qeveri e ju në opozitë, merreni këtë burrë që qan dhe degjojeni natë e ditë, për të kuptuar se kriza nuk është thjeshtë krizë ekonomike, por një dramë e madhe me përmasa kombëtare.
https://www.facebook.com/mentor.kikia/posts/2745028819084843
