Policia ka vënë në pranga një biznesmen nga Lushnja, i cili ishte shpallur në kërkim nga Zvicra për ‘trafik droge’.
Saimir Taullau është kapur në Maqedoni, për ‘trafikim të lëndëve narkotike’. Ai ka patur edhe një urdhër ndalimi nga autoritetet zviceriane. Trafikantit nga Lushnja iu dërgua edhe një kërkesë nga OFL për vetëdeklarimin e pasurisë.
Familja Taullau njihet si rivale e fortë e Aldo Bares. Në vitin 2005, Baki Taullau u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar si autorë të vrasjes pjesëtarët e këtij grupi me urdhër të Bares.
Taullau është një person me precedent të mëparshëm penalë. Atij i janë bërë 2 atentate; një në tetor të vitit 2017, dhe një tjetër në nëntor të 2018.
Familja Taullau njihet si rivale e fortë e Aldo Bares, pasi banda e këtij të fundit i ka vrarë vëllanë. Konflikti mes dy familjeve mendohet se ka nisur pas prishjes së pazareve të drogës, ndërsa familja Taullau ka akuzuar shpesh bandën e Aldo Bares për gjobvënie.
