Jo vetëm Pipero/ Kollë e temperaturë edhe te disa mjekë të vaksinuar

Dy javë pasi mori dozën e parë të vaksinës anti-covid të prodhuar nga kompania Pfizer, mjeku i njohur infeksionist, Pëllumb Pipero rezultoi pozitiv. Aktualisht, ai është duke u trajtuar në shtëpi.

Por, Pipero nuk është mjeku i vetëm i vaksinuar që ka shfaqur simptoma të koronavirusit, pasi sipas“Abc News”, flitet për bluza të tjera të bardha që kanë shfaqur shenja të virusit, vetëm pak ditë pas bërjes së vaksinës.

Mësohet se mjekët dhe infermierët kanë patur temperaturë deri në 40 gradë celcius por edhe kollë. Të gjithë injektuarit me dozat e para të pandemisë së koronavirusit, duhet të marrin sasinë e dytë të Pfizer duke nisur nga data 2 shkurt.

Ndër të parët që u vaksinuan më 11 janar, ishin kryeministri Edi Rama dhe drejtoresha e spitalit Infektv, Najada Çomo.

Situata epideiologjike e Covid-19 vijon të mbetet kritike, pasi në 24 orët e fundit u regjistruan 7 viktima dhe 867 raste të reja.