Në mbledhjen e jashtëzakonshme të Këshillit të Ministrave mbajtur ditën e sotme, kryeministri Edi Rama i bëri thirrje Prokurorisë që të vijojë punën për të identifikuar përgjegjësitë përkatës.
Gjatë fjalës së tij, kreu i qeverisë iu kërkoi ndërtuesve që të mos i shmangen përgjegjësisë, me justifikimin se janë të falimentuar.
“Urojmë që prokuroria e përgjithshme të bëjë të gjithë punën e nevojshme për të identifikuar përgjegjësitë përkatëse. I bëj thirrje të gjithë ndërtuesve publikisht që të mos i shmangen përgjegjësisë. Mos gënjejnë veten se me shpresën se kjo gjë mund të kalojë pa u lagur.
Disa prej tyre më kanë çuar mesazh duke nxjerrë lloj lloj bishtash por më ka bërë përshtypje arsyetimi se jemi të falimentuar, të shesin shtëpitë e tyre, të marrin kredi, të bëjnë çfarë të duan, por liria është më e shtrenjtë se pasuria dhe nëse nuk reagojnë me humanizëm dhe përgjegjshmëri mund t’i humbin të dyja”, deklaroi Rama.
Denonco ne TT