Të paktën 80 nga banorët e fshatit Jangsi në Kinë janë xhuxhë. Më i gjati prej tyre është 116 cm, më i shkurtri 63 cm.
Shkencëtarët kanë kryer shumë testime, por ende nuk dinë se si ta shpjegojnë këtë dukuri. Sipas pleqve të fshatit, jeta e tyre e qetë dhe e lumtur u shkatërrua në një natë vere shumë vite më parë, kur një sëmundje e keqe goditi fshatin. Disa banorë nisën të vuanin nga një gjendje misterioze, që prekte kryesisht fëmijët e vegjël të moshës 5-7 vjeç.
Ata ndaluan së rrituri, duke mbetur po aq të gjatë për pjesën tjetër të jetës. Një teori tjetër, ka të bëjë me pushtimin japonez të Kinës, dhe gazrat toksikë që u përdorën. Një shpjegim i çuditshëm, është ai i mallkimit nga një breshkë e zezë, që u vra dhe u konsumua nga fshatarët.
Sot, numri i xhuxhëve është vetëm 80, dikur ishte 119. Disa banorë janë larguar nga fshati nga frika se mos preken nga gjendja e çuditshme. Por gjërat po përmirësohen. Të rinjtë, duket se nuk po preken nga fenomeni i çuditshëm i xhuxhizmit.
