Lionel Messi pas dështimit në Botërorin e Rusisë me kombëtaren e Argjentinës, vendosi që të largohet përkohësisht nga ajo. Por edhe pas rikthimit të tij, Argjentina vazhdon të zhgënjejë dhe Messi akuzohet se nuk është i njëjti si te Barcelona dhe në kombëtare.
“Pleshti” ka vendosur të reagojë dhe t’i kundërpërgjigjet atyre që flasin keq për të. Në një intervistë për radion argjentinase 94.7 “Club Octubre”, ai ka thënë: “Është bërë një gjë e zakontë të thuhen gjëra për mua, të gjithë shpikin. Më sulmojnë edhe kur nuk jam. Flasin gjithmonë për mua, por nuk jam aspak i befasuar.
Thuhen shumë gënjeshtra dhe unë zemërohem sepse njerëzit i besojnë. E vërteta është se kam patur probleme me pubalgjinë (një patologji që prek muskujt e kofshës) para pushimeve të dhjetorit dhe jam stërvitur pak. Pubalgjia është e komplikuar, nuk shfaqet papritur, ndihem mirë, por nuk jam plotësisht i rikuperuar”.
Messi ka folur edhe për Botërorin e 2018-ës: “Kam menduar të mbyllem në shtëpi dhe të qaja i vetëm me familjen time. Doja të harroja gjithçka që kisha përjetuar deri në atë moment. Doja të izolohesha nga gjithçka, të largohesha nga kombëtarja”.
Kthimi dhe dëshira për të triumfuar: “Dua të fitoj diçka me Argjentinën, do t’i luaj të gjitha ndeshjet e rëndësishme, shumë persona më kanë thënë të mos kthehem, familja, miqtë. Madje, djali im më ka pyetur: ‘pse të masakrojnë në Argjentinë?”.
