Partia Demokratike kërkon nga kryeministri Edi Rama që ta kthejë paketën anti-shpifje, si shansi i fundit për të mos dëmtuar më shumë imazhin ndërkombëtar të Shqipërisë.
Përmes një deklarate për mediat, ish-deputetja demokrate, Albana Vokshi theksoi se kjo paketë ka qëllim që mediat online të mos publikojnë aferat korruptive të Edi Ramës dhe familjes së tij.
“Këto janë orët e fundit që Edi Rama ka një shans për të mos nxirë edhe më shumë imazhin ndërkombëtar të Shqipërisë, si vendi ku media detyrohet me ligj të mbyllë gojën.
Paketa e censurës ka si qëllim heshtjen e mediave online për të mos publikuar aferat korruptive të Edi Ramës, të ministrave, oligarkëve me të cilët pasurohet dhe të familjes së tij, që kontrollon çdo interes ekonomik në Shqipëri”, tha mes të tjerash Vokshi.
