Politikë

‘Jam e kënaqur me 50 viktima’, Meta flet për dorëheqjen e Valbona Sakos


               Publikuar në : 21:34 - 03/12/19 M S

Një deklaratë shokuese e përcjellë nga kryebashkiakja e Durrësit, Valbona Sako, se ishte e kënaqur me 50 viktima, menjëherë bëri xhiron e rrjetit. Ky koment u kritikua në masë, e në shenjë pendese ajo dha dorëheqjen. Lidhur me këtë dorëheqje, Meta tha në emisionin “Përballë” në RTSH, se në këtë momente është e rëndësishme që të përballohet situata.

“Tani për mua është e rëndësishme që të përballohet situata, t’iu përgjigjemi qytetarëve. Sepse ka përpjekje, ka mobilizim, por siç e kemi vënë re ka edhe konfuzion. Prandaj, duhet të jemi sa më pranë tyre që t’i qetësojmë, sepse janë njerëz që iu janë shkatërruar pronat, u janë plagosur të afërmit.

Nuk po flasim për ato familje të cilat kanë humbur të afërmit dhe për të cilat nuk ka fjalë për ngushëllim, por bëhet fjalë për një komunitet shumë të gjerë, të dëmtuar mjaft seriozisht në fillim të dimrit”, u shpreh presidenti Meta.

Kujtojmë këtu se në prononcimet e saj, Valbona Sako shprehej se ishte e kënaqur se tërmeti i 26 nëntorit kishte shkaktuar vetëm 50 viktima.

Kryebashkiakja tregoi mungesë ndjeshmërie gjatë dy prononcimeve të dhëna në media. Në një prononcim ajo sugjeroi se “duhet të jemi të kënaqur që kemi 50 viktima, sepse në raste të tjera ka edhe 1 mijë viktima”. Ndërsa në tjetrën, ajo sugjeroi se të pastrehët e shkaktuar nga tërmeti do të strehohen në “hotele me pesë yje, të cilat në kushtet normale zotërinjtë nuk mund t’i paguanin për pushime”.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT