Pavarësisht se çfarë ndodh me Donald Trump pas 3 Nëntorit, vajza e tij Ivanka, do të garantojë vazhdimësinë e dinastisë Trump në politikën amerikane.
Fëmija i dytë i presidentit me gruan së tij të parë, Ivanka është aktualisht një nga këshilltaret kryesore të babait të saj në Shtëpinë e Bardhë. Para se të diplomohej për ekonomi, dhe angazhohej në bizneset e familjes, ajo pati një karrierë modeste si modele.
Presidenti nuk e ka fshehur kurrë dobësinë që ka për Ivankën, në krahasim me fëmijët e tjerë. Edhe pse komentet e tij me natyrë seksuale, kanë ngjallur kritika të forta publike.
Së fundmi, u mësua se Donald ngulmoi ta bënte të bijën zëvendëspresidente që në vitin 2016.
Por u tërhoq, kur këshilltarët e bindën se ajo nuk kishte ende përvojën e duhur për atë post. Që atëherë, Ivanka ka marrë një rol me rëndësi në administratën aktuale.
Bashkë me të shoqin Xhared Kushner, ka lobuar fort për marrëveshjen e arritur së fundmi në Lindjen e Mesme. Pasuria e saj personale i kalon 300 milionë dollarë. Dhe në SHBA, paratë dhe emri, premtojnë një karrierë të mirë politike.
TIRANA TODAY
