Mëngjesin e sotëm, një shpërthim i fuqishëm me lëndë plasëse ka ndodhur në Tiranë. Në rrethana ende të paqarta ka shpërthyer lënda plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin me inicialet S. D., 26 vjeç. Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore. Shpërthimi ka ndodhur në një mjet në lëvizje në zonën e Unazës së Re, afër rrethrrotullimit të Selitës, rreth orës 02:50.
Njoftimi i Policisë së Tiranës:
“Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç. Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore. Grupi hetimor nën drejtimin e Prokurorisë po punon për sqarimin e rrethanave të ngjarjes”, njofton policia e Tiranës në lidhje me shpërthimin.
