Italia raportoi një rekord prej 50.599 rastesh të reja Covid-19 të premten, shifra më e lartë ditore që nga fillimi i pandemisë, sipas të dhënave të Ministrisë së Shëndetësisë.
Studimi nga Instituti Superior Shëndetësor i Italisë, i publikuar të enjten, tregon se varianti Omicron është “në rritje të shpejtë” në të gjithë vendin.
Qeveria ka njoftuar kufizime të reja, që synojnë frenimin e shpërthimit të fundit. Eshtë paralajmëruar se do të mbyllen klubet e natës, dhe do t’i ndalojnë njerëzit të hanë në sheshe publike nga 30 dhjetori deri më 31 janar.
Mandati i maskave në natyrë u kthye të premten. Maskat tashmë janë të detyrueshme jashtë për çdo aktivitet publik, me përjashtim të sporteve në natyrë.
Maskat më mbrojtëse, FFP2 do të kërkohen për të hyrë në stadiume, muze, kinema dhe teatro, si dhe për të udhëtuar në transportin publik, përfshirë transportin publik lokal.
Burimi i lajmit: CNN. Përshtatur nga Tirana Today
