E enjte, 20 Janar, 2022
-3.5 C
Tirana

Teleskopi hapësinor James Webb, gati për të bërë histori

Teleskopi më i madh hapësinor i konceptuar ndonjëherë, është planifikuar të dalë në orbitë në orët e ardhshme. Teleskopi hapësinor James Webb me vlerë 10 miliardë dollarë, do të lëshohet në një raketë evropiane Ariane nga Guiana Franceze.

Është një projekt që ka marrë 30 vjet për t’u hartuar dhe ndërtuar, dhe konsiderohet si një nga përpjekjet madhështore shkencore të shekullit të 21-të.

Qëllimi i Webb do të jetë të përpiqet të tregojë yjet dhe galaktikat e para që shkëlqejnë në Univers. Ai do të ketë gjithashtu fuqinë për të hetuar atmosferat e planetëve të largët, për të kërkuar gaz që mund të lënë të kuptohet për praninë e jetës.

Për të arritur në hapësirë, Webb duhet së pari të mbijetojë një ngjitje 27-minutëshe në atë që është, në fakt, një shpërthim i kontrolluar.  “Webb është një mision i jashtëzakonshëm”, tha administratori i agjencisë amerikane të hapësirës Bill Nelson.

“Është një shembull i shkëlqyer i asaj që ne mund të arrijmë kur ëndërrojmë. Ne e kemi ditur gjithmonë se ky projekt do të ishte një përpjekje e rrezikshme. Por, sigurisht, kur doni një shpërblim të madh, zakonisht duhet të merrni një rrezik të madh”.

Krahasimet e teleskopit

Teleskopi James Webb mban emrin e një prej arkitektëve të programit Apollo Moon dhe agjencitë hapësinore të SHBA-së, Evropës dhe Kanadasë, të cilët janë të gjithë partnerë në projekt, e konsiderojnë atë si një flamur shkencor jo më pak të rëndësishëm.

Misioni i Webb është të bazohet në zbulimet e teleskopit hapësinor Hubble, i cili, pas 31 vitesh në orbitë, po i afrohet fundit të operacioneve.

Webb do të shikojë më thellë në kozmos dhe si pasojë, shumë më larg në kohë. Në thelb të aftësive të objektit të ri është pasqyra e saj e artë 6.5 metra e gjerë.

Kjo sipërfaqe e jashtëzakonshme reflektuese, e lidhur me katër instrumente super të ndjeshme, duhet t’i mundësojë Webb-it të zbulojë dritën nga yjet pionierë.  “Ato do të jenë vetëm njolla të vogla të kuqe”, tha shkencëtari i lartë i projektit të NASA-s dhe fituesi i çmimit Nobel, John Mather.

“Ne mendojmë se duhet të ketë yje, ose galaktika, ose vrima të zeza që mund të fillojnë në 100 milion vjet pas Big Bengut. Nuk do të ketë shumë prej tyre për t’u gjetur në atë kohë, por teleskopi Webb mund t’i shohë ato nëse janë atje. Dhe ne jemi me fat”, tha ai për BBC News.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...