Numri i viktimave nga koronavirusi vijon të jetë në rënie për të tretën ditë radhazi tashmë në Itali.
Sipas mediave italiane, në 24 orët e fundit janë regjistruar 60 viktima, 15 më pak se një ditë më parë. Kështu numri total i personave që kanë humbur jetën nga koronavirusi në vendin fqinj ka shkuar në 33,475.
Një rënie e ndjeshme shihet edhe tek numri i rasteve të reja të konfirmuar, teksa në 24 orët e fundit janë regjistruar 178 raste më pak se dje. Gjithsej Italia regjistron më shumë se 233 mijë raste infektimi, ndërsa mbi 42 mijë janë ende aktive.
Për momentin Italia renditet e gjashtë në botë me numrin më të lartë të rasteve me COVID-19, pas SHBA-ve, Brazilit, Rusisë, Spanjës dhe Mbretërisë së Bashkuar.
Koronavirusi ka prekur më shumë se 6,3 milionë njerëz në të gjithë botën, ndërsa i ka marrë jetën më shumë se 374 mijë personave.
