Gjatë 24 orëve të fundit, Italia ka shënuar një rënie të lehtë në rastet e reja të konfirmuara dhe në numrin e viktimave të shënuara.
Mediat italiane raportojnë se në 24 orët e fundit kanë humbur jetën 30 persona, 4 më pak se një ditë më parë. Kështu ka shkuar në 34,708 numri total i personave që kanë humbur jetën nga koronavirusi në vendin fqinj.
Sa i përket rasteve të reja, autoritetet shëndetësore kanë konfirmuar 255 raste, 41 më pak sesa ditën e djeshme.
Deri më tani, Italia ka konfirmuar rreth 240 mijë raste me koronavirus, prej të cilave mbi 17 mijë raste janë ende aktive.
