Italia mbetet vendi më i goditur në botë nga COVID-19. Mjekët në Itali kanë zbuluar se vdekshmëria më e lartë është tek femrat, ndryshe nga çfarë u pretendua më herët. Trendi është në rritje, ndonëse ka ditë kur numri i të vdekurve dhe të të infektuarve pëson ulje.
Duke iu referuar Institutit të Lartë të Shëndetësisë në Itali, ka pasur një prevalencë të qartë të grave, të cilat tani llogariten në 51.4% e njerëzve të prekur nga koronavirusi, nga fillimi i epidemisë.
Edhe në radhët e bluzave të bardha, ka më shumë femra se meshkuj të infektuar nga koronavirusi. Në fakt, nga afro 20.000 punonjës shëndetësorë të infektuar deri më sot në Itali, meshkujt përbëjnë pak më shumë se 31%. Në Itali deri më tani janë shënuar 25.549 viktima. Në fazën e dytë, Qeveria ka paralajmëruar se do të ketë lehtësim të masave.
