Ish-ministrja e Kulturës, Mirela Kumbaro e ftuar në rubrikën “Opinion” në News24 u pyet për ftesën e Fatos Nanos nga Partia Socialiste, teksa po fliste për Kongresin që do mbahet ditën e nesërme.
Kumbaro tha se Nano është një figurë historike e PS dhe për këtë arsye është ftuar.
“Fatos Nano është një figurë politike historike për Partinë Socialiste. Ne nuk kemi ftuar vetëm atë, por më herët ka qenë i ftuar edhe shkrimtari Dritëro Agolli, figura historike si Servet Pëllumbi etj., të cilët kanë dhënë kontribut të madh në PS”, tha ajo.
Ish-ministrja Kumbaro foli edhe për përgatitjet që po bën Partia Socialiste për zgjedhjet lokale, ndërsa shprehet se kandidatët e Bashkive dalin nga diskutimet që bëhen në bazën e Partisë Socialiste, por edhe nga sondazhet që realizohen. Ajo theksoi se opozita proteston nga frika e reformës në drejtësi, kurse tha se protesta e tyre nuk është e njëjtë me atë të studentëve.
