Ish deputetja e Partisë Demokratike, Orjola Pampuri, ka postuar një video ku njofton se në mesnatë 13 ambulanca me pacientë me COVID-19 ishin rreshtuar tek Infektivi në pritje.
Shtimi i rasteve me të infektuar, ka sjellë edhe dyndje në spitalin Infektiv. Sipas saj, kjo nuk është gje tjetër veçse dështim i qeverisë ndaj situatës së pandemisë.
Ajo ngre problemin e ripërsëritur më herët nga ana e opozitës, për testime masive. Ish deputetja shprehet se shqiptarët nuk duhet të paguajnë më dështimet e kësaj qeverie, ndaj ndryshimi vjen në 25 prill.
Statusi
13 ambulanca prisnin në radhë mesnatën e sotme tek infektivi. Sirenat e tyre janë alarm i dështimit të Edi Ramës me pandeminë. Njerëzit përfundojnë në spital, edhe sepse Instituti i Shëndetit Publik nuk e bën detyrën e vet.
- Teston shumë pak.
- Vonon përgjigjen deri në 10 ditë.
- Nuk teston për të ndërprerë zinxhirin e infektimeve.
Menaxhimi i keq, vjedhja edhe në situatë pandemie, na ka sjellë në këtë gjendje, ku njerezit harxhojnë të paktën 100 mijë lekë për një test dhe nuk marrin asnjë rimbursim, vetëm sepse Edi Rama është i paaftë të qeverisë.
Shqiptarët nuk duhet të paguajnë më dështimet e kësaj qeverie dhe të këtij kryeministri. Duhet ta ndryshojmë këtë gjendje me votë në 25 Prill.
