Barcelona do ta ketë shumë të vështirë që të marrë në skuadër sulmuesin e Interit, Lautaro Martinez.
Prej javësh tashmë Barcelona ka shfaqur dëshirën për të marrë Martinez, por klauzola në marrëveshjen me Interin, i jep kësaj të fundit liri të plotë për kërkesat që mund të bëjë për shitjen e lojtarit.
Sipas Don Balon, zikaltrit i kanë kërkuar Barcelonës një shumë parash plus për transferimin e Griezman dhe huazimin dyvjeçar të Ansu Fati me të drejtën e blerjes.
Katalanasit e kanë cilësuar këtë ofertë si “të çmendur” dhe e kanë refuzuar menjëherë. Negociatat për Martinez janë komplikuar shumë dhe nuk përjashtohet mundësia që ai të qëndrojë në Milano.
