Teksa janë konfirmuar dy rastet e para me koronavirus, dyshohet për një të tretë. Në ambientet e Spitalit Infektiv është paraqitur një tjetër person i shoqëruar nga autoambulanca. Menjëherë ambienti është dezinfektuar, bëjnë me dije burime për “Ora News”.
Nga të dhënat paraprake, dyshohet se është dhe një person i tretë i infektuar me koronavirus. Këtij personi po i bëhen analizat, dhe pritet që të dalin rezultatet.
Mesnatën e së dielës, Ministria e Shëndetësisë njoftoi për dy rastet e para. Behët fjalë për një 54-vjeçar dhe djalin e tij 28-vjeçar, të cilët kishin udhëtuar më parë në Firence të Italisë. Gjendja e tyre shëndetësore është e stabilizuar, dhe nuk paraqesin komplikacione.
Autoritetet përsëritën apelin ndaj qytetarëve që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr. 127, ku mjekët do tu përgjigjen çdo rasti.
