Ish-ministri i Mbrojtjes, Arben Imami i cili ka kërkuar dorëheqjen e kryetarit të partisë Demokratike, Lulzim Basha pas humbjes së zgjedhjeve, nuk e ka krusyer ironinë ndaj këtij të fundit.
I ftuar në emisionin ”Zonë e Lirë”, Imami u shpreh se qeverisja e Partisë Socialiste në 8 vite ishte për të dëshiruar, por Partia Demokratike nuk arriti të kthehej në një forcë që të sillte frymëzim.
Teksa komentoi ironinë e kryemoinistrit Edi Rama për Bashën kur thotë se është djalë i mirë, Imami tha se kryedemokrati mund të jetë i tillë, por nuk fiton dot.
Pjesë nga biseda
Arben Imami: PD ka nevojë për një reformë të thellë dhe serioze, rrugëve të përfaqësimit të qytetarit në pushtet lokal dhe kudo. Një vend ku nuk funksionon opozita, ku opozita nuk krijon një rrezik aktual për shumicën që qeveris… Ka qenë një qeverisje me shumë problematika, 4 vjeçari i parë ishte vetëm hashash dhe 4 vjeçari i dytë ishte investim i atyre parave. Problemi është si reflektohet, si punohet, si krijohet një forcë të jetë më e mirë se PS, të ngrejmë një forcë që të jetë më e mirë se PS, ajo mund të votohet. PD në këto 4 vite të fundit nuk krijoi në asnjë moment fuqi frymëzimi, shprese.
Arian Çani: Si do i përgjigjesh gojeve të liga që thonë se “Grupi për PD” janë të stimuluar nga Edi Rama për të krijuar këtë lloj përçarje në opozitë?
Arben Imami: E ke parë që i thotë është djalë i mirë. Problemi është që ky nuk është më. Berishën e sulmon, në momentin që është bërë qesharak, nuk kam gjë personale me të, por në atë figurë për historinë që krijoi në tërë këto vite, nuk na zhgënjen asnjëherë. Është djalë i mirë, i bën mirë ato gjërat e veta por nuk fiton dot. Nuk është lider. Duhet ta lëjë këtë punë. Iku për Bajram tek Komuniteti Mysliman, shkoi edhe tek Bektashinjtë. Nxorri në media këtë të fundit. Nuk e di. Basha nuk të zhgënjen.
