Zbardhen të tjera detaje në lidhje me gjendjen shëndetësore të 3 të plagosurve, në atentatin e pasdites së sotme në Shkozet.
Mjeku i Urgjencës së Spitalit të Durrësit, Arjan Tivari, ka deklaruar se prokurori Arjan Ndoja ndodhet jashtë rrezikut për jetën. Sa i përket gjendjes së Aleksandër Lahos, mjeku u shpreh se ai ndodhet akoma në sallën e operacionit pasi ka dëmtim të nofullës.
“Prokurori Arjan Ndoja është jashtë rrezikut për jetën. Ka një frakturë në klavikulë dhe ndodhet në sallën e reaminacionit. Një i plagosur (Andi Maloku) është nisur drejt Tiranës, tjetri është në sallën e operacionit. Ka dëmtim të nofullës, kirurgët po punojnë me të”, tha Tivari.
