Tre mjete i kanë zënë pritë një avokati me inicialet M.M, në Sarandë. Shtetasit në fjalë, ende të paidentifikuar, pasi i kanë dëmtuar makinën avokatit, e kanë nxjerrë me forcë dhe e kanë goditur me shkopa bejsbolli. Nga goditja e fortë i kanë thyer dorën dhe këmbën. Po kështu ka dhe fraktura të shumta në trup.
Gjatë dëshmisë së tij para oficerëve të policisë, nga shtrati i spitalit avokati ka deklaruar se shkak i sulmit është bërë një konflikt pronësie mes familjes se tij, dhe disa personave të tjerë.
Ngjarja ka ndodhur sot rreth orës 13:05, në lagjen Nr.4, në afërsi të Portit, Sarandë. Në ambientet e Komisariatit të Policisë Sarandë janë shoqëruar disa persona, për tu marrë në pyetje në lidhje me ngjarjen.
Njoftimi i policisë
Rreth orës 13:05, në lagjen Nr.4, në afërsi të Portit, Sarandë, dyshohet se si pasojë e një konflikti të çastit është dëmtuar me sende të fortë, shtetasi M. M., 39 vjeç, banues në Sarandë, i cili është dërguar për ndihmë mjekësore, jashtë rrezikut për jetën. Shërbimet e Policisë kane shkuar menjëherë në vendngjarje. Është ngritur grupi hetimor i cili vijon veprimet në vendin e ngjarjes me qëllim zbardhjen e rrethanave të ngjarjes, identifikimin dhe kapjen e autorit/ve. Në ambientet e Komisariatit të Policisë Sarandë janë shoqëruar disa persona për tu marrë në pyetje në lidhje me ngjarjen.
