Dy policë janë rrahur barbarisht nga një grup të rinjsh. Ngjarja e rëndë ka ndodhur mbrëmjen e kaluar pas mesnate në qytetin Melbourne në Australi. Pasi morën një telefonatë për një grindje midis disa të rinjve, dy oficerët u nisën drejt vendngjarjes, ku kapën një 26-vjeçar. Menjëherë pas kësaj, një grup prej 6 banditësh të dehur rrethuan dy policët dhe i sulmuan.
Situata u përkeqësua edhe më shumë, teksa një nga sulmuesit i përplas vazhdimisht kokën oficerit në trotuar. Momenti u filmua nga një taksist i cili shprehet se u terrorizua nga ajo çfarë po shihte. Në pamje duket teksa një djalë i veshur me bluzë ngjyrë gri është duke qëlluar pa ndalim kokën e policit, ndërkohë që të tjerët e shohin.
Dy oficerët u shoqëruan menjëherë në spital, pasi kanë lëndime serioze në fytyre. Dhe njëri prej tyre pritet t’i nënshtrohet një operacioni.
“Këta janë pjesa më e keqe e shoqërisë. Është një sjellje kafshërore, ku një grup banditësh përplasin kokën e policit në beton, si të ishte një ‘kukull lecke’. Tani e ardhmja e tyre është të përballen me ligjin,”-ka thënë në një deklaratë shefi i policisë Tony Silva.
Menjëherë pas ngjarjes sulmuesit u larguan nga vendngjarja, ndërkohë që policia australiane ka bërë thirrje për këdo që ka informacione për të dyshuarit të lajmërojnë autoritetet. Të dyshuarit mendohen të jenë pesë djem dhe një vajzë rreth të 20-ave./ Burimi: Daily Mail, Përshtati: Tirana Today