Konkurrentja nga Ukraina, Angelina Statyeva, e cila mahniti jurinë me performancën e saj në fazën e parë, në “The Voice of Greece”, habiti me zgjedhjen e saj të këngës.
Ajo kishte zgjedhur të prezantohej për herë të parë para publikut dhe jurisë, me këngën shqiptare “Moj e bukura more”. Ukrainasja arriti të tërheqë vëmendjen e jurisë greke, duke arritur që të kthente të katërta karriget e tyre.
E pyetur nga ‘Anabel.al’ se pse ajo zgjodhi të prezantohej me këtë këngë, ajo shpreh se pëlqen shumë traditën dhe kulturën ballkanase, përfshirë edhe atë shqiptare, prandaj zgjodhi një këngë shqip, e cila i rezultoi me fat.
