E nominuara nga presidenti amerikan Donald Trump për ambasadore në Shqipëri, Yuri Kim ka treguar prioritetet e saj, në rast se do të marrë mandatin për të ushtruar detyrën në Tiranë.
Youri Kim, e cila doli këtë mbrëmje para Komisionit për Politikën e Jashtme në Senatin Amerikan, deklaroi se do të përpiqet që të mbajë sa më larg influencën ruse në Shqipëri. Ndërsa shtoi mes të tjerash se do të ketë kujdes edhe disa rrymave të influencës kineze.
“Dua të ndihmoj shqiptarët të forcojnë institucionet e tyre që të kenë më shumë rezistencë ndaj përpjekjeve ruse për të ndërhyrë në punët e brendshme, por edhe atyre kineze. Edhe kinezët po përpiqen që të ndërhyjnë në ekonominë e Shqipërisë.
Së dyti, mendoj se do të punoj ngushtë me shqiptarët si aleat të NATO-s, që të japë 2 përqindëshin e saj.
Së treti, do të punoj për të promovuar eksportet dhe investimet amerikane në Shqipëri në mënyrë që të sigurohen mundësi për qytetarët e SHBA-së dhe Shqipërisë, si dhe të krijohen vende pune në të dyja shtetet”, theksoi Yuri Kim.
