Mjeku i njohur Pëllumb Pipero, ka komentuar vendimin e qeverisë për hapjen e kinemave, për të cilën u shpreh se nuk ishte dakord.
Sipas tij, ky vendim i qeverisë është një hap i nxituar. Në një intervistë për ‘Report Tv’, mjeku ka treguar se i është lutur kryeministrit Edi Rama, që të rishikojë gjobën për maskat.
Ai sqaron se duhet të shtohen më shumë mundësitë që bluzat e bardha, të jenë në komunikim me qytetarët.
“Nuk ka të bëjë me ndërgjegjësimin, se sa më urbanizimin. Ku ka më shumë qytetarë, ekspozimi është më i lartë.
Kjo është një sëmundje urbane. Nuk mund të presim raste të mëdha në fshatra. Unë e kam konsideruar hapjen e kinemave një hap të nxituar, njësoj edhe për teatrot.
Ky virus nuk na mundëson për këtë kohë të shijojmë dhe të ndajmë me artistët emocionet tona, njësoj dhe me kinematë.
Jam ndoshta i pari dhe i fundit mjek që i jam lutur kryeministrit që gjoba të rishikohet, dhe të shtohen më shumë mundësitë për ne bluzat e bardha të jemi në komunikim”, tha Pipero.
