Kryetarja e LSI-së, Monika Kryemadhi ka akuzuar moderatoren Eni Vasili, duke u shprehur se ajo bën propagandën e kryeministrit Rama.
E ftuar në emisionin e “Open” në Top Channel, Kryemadhi debaton ashpër me moderatoren, teksa e cilëson si të pandershme ftesën që i ka bërë asaj për t’u paraqitur në studio.
Nga ana tjetër moderatorja nuk i ka pranuar akuzat, duke u shprehur se ftesat e saj ndaj Kryemadhit nuk kanë qenë thjesht ‘qokë’.
Pjesë nga debati:
Monika Kryemadhi: Bëni propagandën e Edi Ramës
Eni Vasili: Është budallallëk me brirë. Sa herë ju kam ftuar gjatë gjithë këtyre ditëve
Monika Kryemadhi: Sa e ndershme je ti ndaj këtyre ftesave?
Eni Vasili: Të dalë Basha që të thotë sa herë e kam ftuar? Pse quhet qokë kur ju nuk vini? Më thuaj pse nuk jam e ndershme?
Monika Kryemadhi: Nuk je e ndershme në parim
Eni Vasili: Po pse pra? Ne gazetarët dalim fajtorë. Si akuzon ti?
Alban Dudushi: Eksperte e tërmeteve u bëre, eksperte e gazetarisë u bërë
Monika Kryemadhi: Mos më thuaj që ti nuk bën qoka
Alban Dudushi: Ma thuaj një
Monika Kryemadhi: Takimin e studentëve
Alban Dudishi: Mos thuaj qoka kur e di mirë se si është gatuar kuzhina. I keni kërcënuar
Monika Kryemadhi: Po të kishim kërcënuar njëri ne do të na kishte arrestuar Sandër Lleshaj
Eni Vasili: Ne iu ftojmë në shtëpi dhe ju derdhni kupën. Kanë rrezikuar jetën gazetarët e Topit, ju na akuzoni për qoka.
Alban Dudushi: Ku ishe gjatë këtyre ditëve
Monika Kryemadhi: Në terren isha. Kur të mbaroj emisionin do të ta tregoj. Tek ato familjet që janë zhdukur të tëra
