Vazhdon rritet numri i deputetëve të opozitës së re në Parlament. Një tjetër kandidat i Partisë Demokratike ka “tradhtuar” vendimin politik të opozitës.
Behet fjalë për Indrit Fatmir Hoxhën, kandidatin me numrin 35 në listën e Qarkut të Tiranës. Ai ka dorëzuar ditën e sotme formularin e vetëdeklarimit në Komisionin Qendror të Zgjedhjeve.
Indrit Hoxha ka mbajtur postin e Sekretarit të Burimeve Njerëzore në Forumin Rinor të PD-së, shkruan Panorama.
Në formularin e dekriminalizimit të dorëzuar në KQZ ai shkruan se është shoqëruar dy herë në Komisariatet e Policisë së Tiranës.
Ndërkohë që vetëm njëherë është arrestuar me akuzën e “Shkatërrimit të pronës”.
