Kryeministri Rama, me anë të nje video mesazhi ka dhënë paralajmërimin e radhës referuar qëndrimit të shtëpi, dhe zbatimit me përpikmëri të gjithë rregullores që vendosi një ditë më parë. Me urdhër të prerë, Rama thotë se nga ky çast, të gjithë shqiptarët duhet të futen në shtëpi, e deri në orën 5 të mëngjesit të së hënës. Kush del, do të penalizohet!
Ai shprehet se ndaj pakicës së vogël që shkel ligjet, do të ketë zero tolerancë, pasi mund të na çojnë drejt një katastrofe kombëtare. Kryeministri Rama i mëshon fort faktit se ndaj të pabindurve, do u përgjigjet me gjuhën e forcës ligjore e policore.
Në një komunikim live, Rama tha se do të identifikohen të gjithë ata që bëjnë gallatë duke u bërë rrezik për të gjithë.
Ai paralajmëroi të gjithë ata qytetarë që nuk respektojnë masat e marra kundër koronavirusit, ushtria dhe policia do të përdorë forcën ndaj tyre.
“Ushtria dhe policia do përdorin forcën, ujin e deri te gazi lotsjellës, nëse është nevoja, duke parë se si një tufë të papërgjegjshmish hapërdahen lart e poshtë pa pikën e turpit. Kush se ka marrë vesh akoma se kjo është një luftë botërore, ku kemi fatkeqësinë të përballemi me një armik të tmerrshëm, do duhet ta marrë vesh me pahir.
Kush më shkruan për fukarenjtë se nuk rrinë dot brenda se nuk kanë bukë, të mos bëjnë sikur shqetësohen për fukarenjtë, por ta mbledhë mendjen top, se sot nuk kërcënohemi për shkak të urisë, por për shkak të marrëzisë. Fukarenjtë nuk kanë iphone dhe nuk kanë dëngla për të shitur në rrjetet sociale.
Mos luani nga vendi, nuk do të tolerojmë më askënd. Do të përgjigjemi me të keq për disa që nuk marrin vesh. Në Itali po vdes një njeri çdo dy minuta, dhe mos më thoni boll, se nuk ndahem duke iu treguar se çfarë katastrofe na gjen nesër, po nuk e ndamë mendjen sot. Mijëra nga ju le të tërbohen fare nga veprimet e mia sot, se sa qindra e mijëra të vdekur nga ne nesër, pas dy apo tre javësh. S’ka shans mirëkuptimi për këtë dhe me këta ka vetëm forcë ligjore e policore deri në fund. Kroatët do bëjnë spital dhe stadiumin. Imagjinoni sikur edhe ne të përdorim “Air Albania” vetëm për disa të pabindur”, tha Rama.
Statusi
? NGA TANI, E SHTUNË, ORA 13.00, DERI TË HËNEN, ORA 05.00, TË GJITHË NË SHTËPI!
? KUSH NUK DO TË DËGJOJË, LE TA PROVOJË DHE DO TA SHIKOJË SE SI MEQË NUK MERR VESH ME TË MIRË, DO TA MËSOJË ME PAHIR!
? NJË PAKICË E VOGËL FARE, PO MËSE E MJAFTUESHME PËR TË NA ÇUAR DREJT NJË KATASTROFE KOMBËTARE, NUK MUND TË HEDHË NË PLEHRA REZISTENCËN E MADHE POPULLORE QË 99% E SHQIPTARËVE PO E BËJNË MREKULLISHT!
? NJË TUFE TË PABINDURISH, TRADHËTARË LUFTE QË PËRHAPEN RRUGËVE SI VIRUS SHOQËROR, PËR T’U KTHYER NË BAZA USHTARAKE TË ARMIKUT QË BOMBARDON PËRMES TYRE, DO T’I PËRGJIGJEMI ME GJUHËN E FORCËS LIGJORE E POLICORE?
? KËTË LUFTË DO TA ÇOJMË DERI NË FUND ME ÇDO ÇMIM E ÇDO MJET, SI NJË FAMILJE E VETME DHE PA ASNJË TOLERANCË PËR TRADHËTARËT MES NESH??
I LO❤️E YOU
