Të gjithë qytetarët duhet ti binden respektimit të ligjit, ose në të kundërt do të kenë pasoja. Orari i ri i cili ka hyrë në fuqi prej mëngjesit të sotëm, do të duhet të respektohet për gjithë javës që vjen.
Kryeministri Edi Rama, në një komunikim live tha se orari i ri nga ora 05:00 e mëngjesit deri në 13:00 të drekës për lejimin e qarkullimit, do të qëndrojë në fuqi gjatë gjithë javës që vjen.
Rama u shpreh se administrata do të punojë nga ora 05:00 deri në 13:00. Po kështu, kush punon në zyrë, nuk do të marrë makinën personale për të shkuar në zyrë. Ai theksoi se pas drekës, mbyllen edhe farmacitë.
“Nga tani, 13:00 e drekës dhe deri të hënën në orën 05:00 do të ketë shtetrrethim total. Nuk do të dalë askush nga shtëpia, përveç forcave të ushtrisë, policisë dhe shërbimeve më kritike të shtetit.
Nuk do të jetë hapur asnjë lloj dyqani dhe asnjë lloj qepeni në të gjithë territorin e Shqipërisë. Kush do ta thyejë shtetrrethimin, do të përballet me forcat e rendit. Orari i ri 05:00 e mëngjesit deri në 13:00 të drekës, do të qëndojë gjatë gjithë javës që vjen”, u shpreh Rama.