Një 26-vjeçar shqiptar ka humbur jetën dhe dy të tjerë janë plagosur teksa ishin duke shkuar për në punë me biçikleta. Ngjarja ka ndodhur në Giugliano, në zonën napolitane, raportojnë mediat italiane.
Mësohet se shkaktar i ngjarjes është një 24- vjeçar, origjina e të cilit nuk behët e ditur. Sipas hetimeve paraprake i riu ka qenë më shpejtësi tejet normave të lejuara dhe për pasojë ka shkaktuar aksidentin.
Autori është larguar menjëherë nga vendngjarja sapo ka përplasur tre shqiptarë. Por është arrestuar më vonë nga karabinierët, të cilët kanë parë se ai ishte duke ndërruar gomën e makinës si dhe xhamin e kishte të dëmtuar.
Gjithashtu në hetime janë përdour dhe kamerat e sigurisë të marra nga bizneset rreth vendit ku ndodhi ngjarja tragjike.
