E premte, 28 Janar, 2022
4.5 C
Tirana

Historike! Si e zbuloi zhytësi kanadez minierën më të hershme nëntokësore

Revista e njohur “Science Advances”, e udhëhequr nga Brandi MacDonald nga Universiteti i Misurit, ka publikuar një artikull mjaft interesant!

Bëhet fjalë për një zhytës kanadez i cili aksidentalisht zbuloi në Meksikë minierën më të hershme nëntokësore.

Kjo e fundit cilësohet në shkrim si një “kompleks i gjerë industrial parahistorik”, 12 mijëvjeçarë i vjetër, ku njerëzit e parë kërkonin një lloj minerali të pasur me hekur të kuq.

Studimi paraqet prova të ruajtura në mënyrë unike që tregojnë se njerëzit asokohe po eksploronin sistemet e shpellave nëntokësore për të zbuluar pigmentin mineral oksid hekuri të përzier me argjilën dhe rërën, i ashtuquajtur “Ochre”.

Por si e zbuloi zhytësi kanadez minierën më të hershme nëntokësore?

Gjithçka filloi në vitin 2017-të, kur zhytësi Fred Devos në mënyrë aksidentale u fut në një dhomë të panjohur në kompleksin e shpellave në Quintana Roo, në gadishullin lindor të Jukatanit, në brigjet e Karaibeve të Meksikës.

Devos notoi në errësirë nëpër një ngushticë, dhe kështu ai u bë personi i parë në kohët moderne që zbuloi një minierë kaq të hershme.

“Është pothuajse sikur të kemi kaluar nëpër një portal”, tha Meacham, një zhytës i cili bashkë me Devos, drejton një organizatë në Meksikë për të studiuar dhe konservuar sistemet lokale të ujit nëntokësor.

Thuhet se shpellat e tjera aty pranë kishin edhe mbetje njerëzore, siç është Naia, skeleti 13000 vjeçar i raportuar më parë i një vajze adoleshente.

Vlen të theksohet fakti se në minierë, e cila u përmbyt para shumë vitesh, janë gjetur “gjurmë” të njerëzve prehistorikë.

“Kishte gropa, vegla prej guri, grumbuj mbeturinash, vatër për qymyr, njolla në tavan”, pohuan zhytësit. /TIRANA TODAY

- Reklama -

Më shumë nga kategoria




Të fundit

O mosmirënjohës, Berisha ju bëri njerëz ju nuk i jepni as dorën

Nga: Nikoll Lesi Sot shkoi në parlament, pas 4 muajve mungesë prej “Foltores”, ish-kryeministri Berisha. Foli, trazoi, turbulloi qetësinë e parlamentit dhe iku. Por ajo që...

Tr*toli në banesën e të vëllait, Agron Duka: Jam trembur shumë

Kreu i PAA-së, Agron Duka, ka shprehur shqetësimin pas shpërthimit të tritolit në shtëpinë e Armand Dukës, duke vënë në dukje se është i...

Zyrtari i DASH mesazh Berishës: Një i korruptuar s’mund të jetë fytyra e PD

Zv/Ndihmës Sekretari Amerikan i Shtetit, Gabriel Escobar, thekson se një person i shpallur "non grata" për korrupsion, nuk mund të jetë fytyra e PD-së....

Mesazhet e Nokës me Nikollën e Manjën/Alibeaj: “Foltorja” bashkëpunon me Ramën

Në seancën e djeshme plenare të zhvilluar në Kuvend, mediat kanë kapur bisedat nga celulari i deputetit demokrat Flamur Noka, që ka zhvilluar në...

“Non grata”, Berisha: Kam bindjen se SHBA do ta korrigjojë gabimin

Për Berishën, deklarimi “non grata” nga ana e SHBA-së, është i bazuar në shpifje. Në emisonin "Opinion" në Tv Klan, Berisha ka deklaruar se...