Nga 1 korriku i vitit të ardhshëm, për pagat deri në 400 mijë lekë të vjetra, taksa do të jetë zero. Këtë lajm e ka dhënë kryeministri Rama, me anë të një postimi në Facebook.
Nga korriku i vitit 2022 pritet që të ndryshojë sërish tatimi mbi pagat, duke rritur dyshemenë për kufirin e pataksueshëm të pagës minimale në 40 mijë lekë (nga 30 mijë lekë që është sot)
Rama ka rikonfirmuar premtimin e dhënë në muajin mars të këtij viti, kur prezantoi programin ekonomik për mandatin qeverisës 2021-2025.
Rritje pagash, ndryshime në taksën progresive për pagat dhe biznes i vogël pa taksa, janë këto shtyllat kryesore të platformës së Partisë Socialiste.
