Kryeministri i Kosovës, Avdullah Hoti, ka treguar se për çfarë kanë diskutuar në takimin me kreun e PD-së, Lulzim Basha.
Në një prononcim për mediat, Hoti tha se ka marrë premtimin e Bashës për heqjen e taksës së Rrugës së Kombit. Në këtë moment, Basha e përforcoi qëndrimin, duke thënë se: “Do jetë një nga vendimet e ditëve të para të qeverisë së ardhshme”.
“Isha i nderuar të vizitoja Partinë Demokratike dhe liderin e saj Lulzim Basha. Biseduam për sfidat që kemi përballë, pandeminë dhe situatat e reja që kemi në Kosovë. Ne dëgjuam edhe vlerësimet e zotit Basha. Sfidat në Kosovë i kemi kaluar me mbështetje nga qeveria shqiptare dhe nga PD. Kemi ndarë të gjitha shqetësimet me zotin Basha, përfshirë edhe taksën e Rrugës së Kombit. Kam zotimin e Zotit Basha që ajo taksë do të hiqet”, tha Hoti.
